Die skool bied 'n wye verskeidenheid van verenigings en sportsoorte aan sodat elke leerder die geleentheid kan kry om deel te neem waarin hy of sy belangstel. 
Die klem word op deelname geplaas en ons poog om almal aan wedstryde te laat deelneem.

Somer:
Atletiek, Tennis, Krieket, Swem en Tweekamp 

Winter:
Rugby, Netbal, Hokkie (seuns en meisies) en Tennis

Die skool se sportspanne is daarvoor bekend dat hulle baie netjies voorkom en uiters goed presteer.  Verskeie deelnemers verteenwoordig die skool jaarliks in die SWD-spanne. Gedurende 2012 het 47 leerders provinsiale kleure ontvang.

Elke jaar word 'n O.13A- en O.13B-span toer onderneem. Rugby, netbal en hokkie word betrek. Die 0/9 en 0/11 - rugbyspanne toer ook elke jaar en in 2012 het ons leerders deelgeneem aan 'n Tennistoernooi by Sun City.

Die skool betrek kundige afrigters en verseker dat elke speler en span die beste afrigting kry. Dit is vir ons belangrik dat elke speler moet kan ontwikkel in die sportsoort van sy of haar keuse.

Die sukses van ons sport het verseker dat verskeie instansies ons sportspanne borg:

Rugby - Santa Fé Spur, Oudtshoorn
Netbal - Landmark
Hokkie - James King en Badenhorst Prokureurs

---

Vir buitelugopvoeding gaan leerders elke jaar op 'n 3-dag kamp waar die volgende aangespreek word:

Graad 5: Ekologie van die Klein Karoo
Graad 6: Omgewingstudie
Graad 7: Lewensvaardighede

 

Leierskapontwikkeling

Die skool het 'n unieke leierskap- en monitorstelsel wat alle leerders in graad 7 betrek.

'n Leerderraad bestaande uit 20 leerders en 4 hoofleiers word elke ses maande deur die leerders alleen gekies. Hierdie leerders ontvang intensiewe opleiding in leierskapsvaardighede. Hulle vervul 'n belangrike rol in die skool.

Die doel is om vir elke graad 7 leerder die geleentheid te bied vir ware ontwikkeling van elkeen se persoonlikheid, leierskappotensiaal en inisiatief.

Kliek op fotos vir groter weergawe.